Assassin's Creed Syndicate

由月初3號開始到今日15號晚凌晨1:30,我終於將主線100% Clear及所有地區解放。聖裹布最後都係比聖殿騎士搶走左...WTF!?

成個故事每晚打 1-2小時,星期日就打到8小時,我中途打到好想放棄... 個傻妹仲問我打成點?做乜咁痛苦,我答佢:呢集我打到好想喊...

《刺客教條:梟雄》本身係2015年年底嘅作品,我終於喺上年11月中買入THE BEST版 (HK$200.00),跟手 PS STORE 喺Black Friday (11月24日) 竟然數碼版賣 HK$59.XX (´ཀ`」 ∠)... 算...當多一隻收藏品...

成個故事簡單講,兩個龍鳳胎姐弟刺客,姐姐伊薇性格謹慎,遵守父親嘅違訓去處事同進行任務;弟弟雅各做事衝動魯莽,想證明自己闖出一片天。兩個人去到英國倫敦,同註倫敦嘅印度刺客亨利見面後姐弟兩個分頭行事。

因為弟弟要解放倫敦就幫弱勢嘅黑幫搶奪有聖殿騎士撐腰嘅黑幫地盤,成為新嘅黑幫大佬;姐姐就每當完成弟弟嘅主線之後就出黎幫弟弟收拾爛攤子... WTF(´ཀ`」 ∠),如果我有個咁嘅細佬我就一定會先殺左佢唔比佢再闖禍。

最後理所當然係兩姐弟合力打倒最終BOSS,同時間伊薇同亨利都有情人終成眷屬,UBI 而家玩埋愛情線?(´ཀ`」 ∠)

其實當故事睇真係唔錯,但任務條件有時比較令人眼凸,不過幸好都難唔到我 XD

但當我要每一區清哂時,我玩左7晚都有種:點解仲有咁多地區未去嘅感覺 (´ཀ`」 ∠)

今集反而無左大革命嘅線上合作模式,雖然有啲可惜,但剛剛好又適合我咁遲玩唔駛煩嘅人 (XD)。取而代之就係地下搏擊場,我都係爆左機先搵到呢個NPC (´ཀ`」 ∠)...10LV嘅伊薇同雅各打起上黎完全無難度。 LOL