Assassin's Creed Unity

如果有我facebook嘅朋友都應該知道我喺上年12月17日終於開左隻《刺客教條:大革命》黎玩,呢隻係刺客系列第一隻放喺PS4嘅作品,2014年發行,但我竟然留到2016年11月買碟,2017年年底先玩...orz

Anyway,終於比我花左13日通哂關就算,因為接住仲有隻《刺客教條:梟雄》等緊我。等我簡單講下個故事感想先,因為遊戲應該好多人都爆機,所以唔多講內容喇.... -_-

《刺客教條:大革命》係法國大革命時代作為舞台,亦都係承接PS3最後一部作品《刺客教條:叛變》嘅另一個故事開端,雖然後來男主同上一個故事嘅人無接觸,但我見到PS3同PS4嘅最大差別!凡爾賽宮、人物、光線、水面都真係靚太多喇!

簡單講,男主亞諾因為比我(叛變時控制男主)殺左他爸,比法國聖殿騎士團長收養,一直愛住團長個女艾莉絲。十年後某日團長被殺,亞諾比人屈坐監,之後比刺客組織嘅人引導入組織,學會刺客技能一心諗住搵返殺團長嘅兇手。結果喺反傳統刺客思想同套路下搞到組織比其他人高度注視,結果比人踢左出組織。

而殺團長成為新團長嘅人係聖殿騎士前成員,因為做事不乎聖殿騎士思維而被團長踢左出組織而強行奪權。兩個都係比人踢出自己組織嘅人互毆嘅故事... (好複雜 -_-)

有一個位好想吐糟:拿破崙咁高嘅?定係亞諾太矮?XDDDD

另一個幾值得讚嘅位,以前上線模式都只係互毆,我就唔係太喜歡PK喇,反而今集有線上解任呢個幾吸引我,但可惜我玩得遲,已經無乜玩家可以幫我一齊解獎盃喇!T_T